Juventus arrin marrëveshje me Emre Canin

09:37 | 6 Janar 2018
Arbresh.info

Emre Can ka rënë dakord për një kontratë katërvjeçare me Juventusin.

Kështu raporton mediumi italian Sky Sports Italia, i cili i referohet një burimi të afërt me lojtarin ndërsa kjo do të ndodh sapo t’i përfundojë marrëveshja me Liverpoolin.

Reprezentues i Gjermanisë do të jetë një lojtar i lirë më 30 qershor gjersa është në gjendje të nënshkruajë me një klub tjetër nga muaji shkurt.

Liverpooli duket se nuk dëshiron të shes mesfushorin në afatin kalimtar të janarit, por do ta humbasin atë falas.

Sipas gazetarit dhe specialistit, Gianluca Di Marzio, lojtari ka pranuar të nënshkruaj një marrëveshje të vlefshme për katër vjet, me mundësi të vazhdimit edhe për një.

Futbollisti thuhet se do të marr një pagë vjetore prej pesë milionë eurove dhe se Juve po këmbëngul që marrëveshja të finalizohet gjatë janarit.

Ndryshe, 23-vjeçari deri më tani është paraqitur në 106 ndeshje të The Reds duke realizuar tetë gola./telegrafi/

 

 

Shpërndaje në rrjete sociale

Lajmet më të lexuara

Të ngjashme

Foto lajm